| Pontificate |
| Paschalis II. |
|
| |
| Issuer: |
Paschalis II
|
| Type of issuer: |
papa |
| Addressee |
Garsia episcopus |
| Date: |
(1103/1104) |
| Initium: |
Non incertum est Hispaniarum ecclesias |
| Scriptum/Datum line: |
Scr. p. m. Raineri scriniarii regionarii et notarii sacri palatii. |
| Editor: |
Berger |
|
Reg. Pont. Rom. (Jaffé)
| |
| Jaffé² no.: |
JL
6193
|
| Jaffé¹ no.: |
4600 |
|
Reg. Pont. Rom. (Pontificia)
| |
| Receiving institution: |
Burgos, Episc. Burgos, Episc. n. 37 (Ib. Pont. I 39). |
| Pontificia vol.: |
Ib. Pont. I
39 n. 37
|
| Regest-P: |
Paschalis II
Garsiae
Burgensi episcopo eiusque successoribus etc.: ad instar praedecessoris Urbani (II), qui controversiam inter Burgensem et Oximensem ecclesias pro parrochiis ortam praesentibus et consentientibus utrisqe partibus, Bernardo videlicet Toletano archiepiscopo, ad quem Oximensis ecclesia metropolitano iure pertinet, ex una et Gomizone
Burgensi episcopo sive ipso Garsia sequenti tempore ex altera parte saepe discussit et deliberatione scriptorum suorum finivit (cf. Burgos, Episc. n. †18. 20. 26. 27), terminos Burgensis et Oximensis ecclesiarum sancit et diligenter circumscribit, sicut Gomizonis episcopi tempore in concilio apud monasterium de Fusellis distincti sunt (Burgos, Episc. n. *14); decernit, ut ceteri fines Burgensis parrochiae, sicut sub praedecessoribus episcopis (Burgensibus), videlicet Munione, Simeone (II) ac Gomizone constarent, inconcussi maneant; statuit, ut villa Funicularis (Hinojar del Rey), cella s. Mariae de Ravenaria (Rabanera del Pinar), monasterium s. Eufemiae de Cuzolo (Cozuelos), monasterium Valeranicense (Berlangas) et si quae aliae possessiones in alienis parrochiis Burgensi ecclesiae collatae sint, semper in dispositione episcopi Garsiae et successorum eius iure proprio permaneant.
|
| Comment: |
De hac charta cf. ante omnes Engels Papsttum p. 254-260, qui vel de re vel de tempore docte et accurate agit; insuper Flórez España Sagrada XXVI 238sq.; Serrano Obispado de Burgos I 377sq.; Martínez Díez Iglesia p. 50sq. Privilegium a scriniario Rainerio (III) scriptum est; de eo cf. Kehr Scrinium p.107sq.; Rabikauskas Kuriale p. 130sq.; Krafft Bene Valete p. 55sq. Charta sine datatione exhibita est. Et Mansilla, qui perperam datationem plenam in chartulario ecclesiae cathedralis (= C f. 59’ n. 55) traditam esse affirmat, et Serrano datationem deficientem eo explicant, quod pars inferior ipsius chartae abscisa sit. Sed, cum et plica et fragmentum serici adhuc exsistant, nobis dubium non est, quin huic chartae nulla datatio umquam inscripta fuisset. Immo charta iam ante mundationem abscisa esse videtur. Sub plica enim verba "tua sequenti tempore", quae sunt reliqua anterioris textus, i. e. narrationis ipsius privilegii, leguntur. Ex quo elucet scriptorem, cum in contextu scribendo aliqua menda commisisset, partem mendosam abscidisse privilegiumque membrana eversa de integro rescripsisse, cf. Engels Papsttum p. 255. Plerique eruditi chartam ad a. 1108 aut 1109 posuerunt, cum Rainerius (III) scriniarius alterum privilegium ecclesiae Burgensis confecit (Burgos, Episc. n. 46). Sed iam Engels ostendit hoc privilegium ante a. 1109 confectum esse. Ductus enim scripturae Rainerii atque forma subscriptionis papae praecipue in privilegiis, quae primis annis saec. XII confectae sunt, inveniuntur. Praeterea forma monogrammatis hic adhibita solum in privilegiis a. 1104 concessis occurrit (e. g. in privilegiis praeposito ecclesiae cathedralis Barcinonensis a. 1104 ian. 26 [JL. 5968], episcopo Legionensi a. 1104 april. 15 [JL. 6058 ad a. 1105], abbati monasterii Gotwicensis a. 1104 oct. 24 [JL. 5982; Germ. Pont. I 236 n. 4] directis), quae nobis benigne Otfried Krafft Marburgensis communicavit; cf. nunc Krafft Bene Valete p. 55sq. cum adn. 178. Privilegium idem videtur, ad quod in documento Paschalis II a. (1105-1107) april. 27 exhibito (Burgos, Episc. n. 40) refertur. Engels insuper hoc scriptum mandato Paschalis II, quo Bernardum archiepiscopum Toletanum acerbe de usurpatione cuiusdam partis dioeceseos Burgensis vituperat (Burgos, Episc. n. 36), apposuit. Data apud Serrano et Garrido Garrido perperam e Burgos, Episc. n. 46 desumpta est.
|
|
Descent
| |
| Way of tradition: |
Original und Kopial |
| Descent: |
Orig.: Burgos Archivo Histórico de la Catedral, Volúmenes (vol. 48 f. 3). Copiae et excerpta: Burgos Archivo Histórico de la Catedral, vol. 71 (Liber privilegiorum ecclesiae Burgensis. Vol. II, saec. XIII) f. 59' n. 55; Burgos Archivo de la Catedral, vol. 46 f. 145-196 (Memorial de los privilegios apostólicos y reales […], a. 1731) f. 190 (exc.); Burgos Archivo Histórico de la Catedral, Índice n. 18 (Compendio de los privilegios ..., a. 1777) f. 114' n. 452 (exc.); Burgos Archivo Histórico de la Catedral, Índice n. 7 (Extracto General de los Papeles del Archivo, 24 vol., a. 1777) vol. XII f. 373' (registratum ex Orig., ad a. 1098).
|
| Type of charter: |
Feierliches Privileg |
|
|
Bibliography
|
|