Date: 20.11.2026 13:03
Signature: Ib. Pont. II 44 n. 104
Pontificate
Lucius III.
Issuer: Lucius III
Type of issuer: papa
Addressee Rodericus (I) episcopus; Guilelmus episcopus; Gundisalvus abbas
Place of issuing: Segni
Date: (1183) aug. 29
Initium: Constitutis in praesentia
Scriptum/Datum line: Dat. Signiae 4 kal. sept.
Editor: Santiago Domínguez Sánchez/Daniel Berger; digitale Fassung: Carolin Sachs, Thomas Czerner
Reg. Pont. Rom. (Jaffé)
Jaffé² no.: - 
Jaffé¹ no.: -
Reg. Pont. Rom. (Pontificia)
Receiving institution: León, Episc. León, Episc. (Ib. Pont. II 44 n. 104); v. etiam León, Eccl. cath. n. 47 (Ib. Pont. II 72); Ib. Pont. Lugo, Episc.; Compostela, Archiepisc.; Toledo, Archiepisc.; Salamanca, Episc.; Salamanca, Eccl. cath.; Astorga, Eccl. cath.; Oviedo, Episc.; Zamora, Episc.; Zamora, Moreruela
Pontificia vol.: Ib. Pont. II   44 n. 104
Regest-P: Lucius III (Roderico ) Ovetensi et (Wilielmo ) Zamorensi episcopis, et (Gundisalvo) abbati de Morerola (Moreruela, dioec. Zamorensis): in causa quae vertitur inter episcopos (Manricum) Legionensem et (Rodericum) Lucensem super possessione archidiaconatus de Triacastella, constitutis in praesentia pontificis responsalibus Legionensis et Lucensis ecclesiarum (cf. León, Episc. n. *100), causam ipsam Henrico Albanensi episcopo et Boboni s. Angeli diacono cardinali commisit audiendam (cf. León, Episc. n. *101), ita quidem ut, post examinationem causae praeferendam, pontificis sententiam reservarent; utrisque igitur sub eorum auditorio constitutis, pars Legionensis ecclesiae restitutionem (cf. León, Episc. n. *102) archidiaconatus a Vitali Salamantino episcopo et Lupo Asturicensi thesaurario et B. Salamantino canonico, qui iudices fuerant a sede apostolica delegati (cf. León, Episc. n. 96), Legionensi ecclesiae adiudicatam fuisse proposuit, petens instantius et requirens ut sententia eorundem iudicum auctoritate apostolica firmaretur; et procuratores Lucensis ecclesiae, ad causae principium recurrentes, confessi sunt Legionensem ecclesiam dicti archidiaconatus possessionem in temporalibus antiquitus habuisse, et Lucensem ecclesiam semper spiritualia tenuisse; et, quia antehac Legionensis ecclesia ad spiritualia quoque manus extenderat (cf. León, Episc. n. *103), querimonia rei huius ad apostolicam sedem perducta, Iohannis Toletani archiepiscopi qui iudex fuerat super eadem controversia delegatus, in Legionensem ecclesiam tamquam in contumacem protulerat, et praenominatae Lucensi ecclesiae possessionem praefati archidiaconatus causa servandae rei assignaverat (cf. León, Episc. n. *64). Pontifex stabilit quod Legionensis ecclesia pro sola contumacia qua praedicti Toletani iudicium declinarat possessione archidiaconatus fuerat destituta, eam sibi restitui debere, reservata Lucensi ecclesiae libera facultate ut de iure proprietatis si quid sibi competit ordine iudiciario prosequatur; mandat ipsis iudicibus delegatis, quatinus omni gratia et timore postpositis, infra triginta dies post praesentium litterarum susceptionem, Legionensem ecclesiam in possessionem archidiaconatus de Triacastella, sine appellationis obstaculo, reducant, Lucensem episcopum et alios qui mandato apostolico praesumpserint obviare, per censuram ecclesiasticam compescentes ne Legionensem ecclesiam praeter iudiciarium ordinem super hoc inquietare praesumant; et si vero de proprietate Lucensis ecclesia duxerit litigandum, facta restitutione possessionis plenaria, utramque parte ante eorum praesentiam legitime convocent, et in eadem causa ordine iudiciario procedant.
Comment: De tempore praesentium litterarum cf. itinerarium Lucii III in JL. II p. 456. – De re cf. Valiña El camino de Santiago p. 215; Villacorta El cabildo p. 124; Fletcher Las iglesias p. 482; Cavero Domínguez El episcopado p. 221.
Descent
Way of tradition: Original
Descent: Orig.: León Archivo de la Catedral n. 1278. Copiae: León Archivo de la Catedral n. 1277 (copia simplex coeva). León Archivo de la Catedral n. 1554 (copia facta sub potestate abbatum monasteriorum s. Isidori Legionensis, s. Claudii Legionensis et Saltus Novalis, a. 1198 seu 1199).
Seal: Bulla deest, sed filum canapis perdurat.
Measurements: 230 x 250 + 20 mm
Bibliography
Edition: Valiña El camino de Santiago p. 238sq. (ad a. 1185 sept. 4). Fernández Catón Colección catedral de León V 546–548 n. 1643. Domínguez Sánchez Documentos pontificios de León p. 125sq. n. 61.
Regest: García Villada Catálogo p. 156sq. Fernández Catón Colección catedral de León VI 105 n. 1746.2. Böhmer-Baaken/Schmidt n. 793.