Date: 20.11.2026 13:24
Signature: JL 17135
Pontificate
Coelestinus III.
Issuer: Celestinus III
Type of issuer: papa
Place of issuing: Laterano
Date: 1194 iul. 14
Initium: Cum olim in
Scriptum/Datum line: Dat. Lat. p. m. Egidii s. Nicholay in Carcere Tulliano diac. card. 2 id. iul., ind. 12, inc. d. a. 1194, pont. v. d. Celestini pp. III a. 4.
Editor: Santiago Domínguez Sánchez/Daniel Berger, digitale Fassung: Carolin Sachs, Thomas Czerner
Reg. Pont. Rom. (Jaffé)
Jaffé² no.: JL  17135 
Jaffé¹ no.: 10482
Reg. Pont. Rom. (Pontificia)
Receiving institution: Sahagún Sahagún (Ib. Pont. II 126 n. 67)
Pontificia vol.: Ib. Pont. II   126 n. 67
Regest-P: Celestinus III Iohanni abbati monasterii s. Facundi et Primitivi, constituti in loco qui dicitur Dominis sanctis, eiusque fratribus tam praesentibus quam futuris etc.: refert se, cum esset legatus in Hispaniarum partibus, vidisse honestatem et religionem in monasterio s. Facundi pollere; et nunc, precibus eorum annuens, innovat privilegium concessum ab Alexandro III (cf. Sahagún n. 37), firmiter statuendum ne quid contra istum seu ipsius Alexandri III privilegium obici valeat uel obstare; suscipit monasterium, quod ad ius b. Petri specialiter pertinere dinoscitur, cum “cauto” suo, quod particulatim finitur, sub b. Petri et sua protectione; statuit ut quascumque possessiones et quaecumque bona idem monasterium possidet, aut in futurum poterit adipisci, coenobio firma et illibata permaneant; sancit ut chrisma, oleum sanctum, consecrationes altarium seu basilicarum, ordinationes monachorum et clericorum degentium infra “cautum” praedictum, a quocumque episcopo suscipiantur; sancit ut nullus episcoporum infra ipsum monasterium praesumat consecrationem aut ordinationem facere, aut missas publicas celebrare; statuit ut monasterium, cum “cauto” suo, ab omni ecclesiasticae seu saecularis potestatis iugo liberum sit; concedit liberam electionem abbatis, secundum b. Benedicti regulam, maxime de eadem congregatione; concedit benedictionis gratiam a quocumque episcopo accipiendam; adicit de novo capitula quae abhinc inferius, usque ad illum capitulum, scilicet, “decernimus”, continentur, praedicto privilegio Alexandri III; sancit ut ecclesiae dicti monasterii, propriis vocabulis expressae, in quibus episcopi vel aliae quaecumque personae nichil iuris a quadraginta annis percepisse noscuntur, eadem, omnino, cum clericis et parochianis suis, gaudeant libertate qua et illae ecclesiae quae sunt infra burgum et “cautum”; decernit ut si amplius ab ipsis ecclesiis petere voluerint, eis id liceat denegare, nec teneantur ullam sententiam propter hoc in se latam aliquatenus observare; vetat ne in praedictorum villae et “cauti” et nominatarum ecclesiarum clericis et laicis alius quam abbas aliquam exerceat potestatem; decernit tandem ut abbates et fratres, ad indicium huius perceptae a Romana Ecclesia libertatis, duos solidos ipsius terrae monetae Romanis pontificibus annis singulis persolvant.
Comment: In archivo ecclesiae cathedralis Legionensis, n. 1289 (ed. Fernández Catón Colección catedral de León VI 95sq. n. 1739), asservantur litterae executoriae Innocentii III, datae Romae apud s. Petrum a. 1198 iun. 4, super hoc privilegio. Innocentius III episcopo et archidiacono Zamorensibus et Didaco priori de Morerola (Moreruela) ad verbum notificat quod ex parte Legionensis ecclesiae fuit in apostolico auditorio propositum quod, cum olim inter ipsam ecclesiam Legionensem et monasterium s. Facundi super ecclesiis de burgo et “cauto” quaestio verteretur, (Iohannes) abbas ipsius monasterii, lite pendente, ad apostolicam sedem accedens, a papa Celestino III privilegium impetravit, in quo, “veritate tacita”, praedictas sibi fecit ecclesias et multas alias confimari, sed privilegio ipsi “magna pars cardinalium nec suscribere nec consensum suum adhibere voluit (!)”, quare dictus pontifex dictis delegatis mandavit quatinus tam super privilegio ipso quam super memoratis ecclesiis et aliis quaestionibus audirent et eum certiorem facerent de ipsa lite. – De re cf. Escalona Historia de Sahagún p. 127sq.; Fletcher Las iglesias p. 477. 479. – De legatione cardinalis Iacinti cf. Weiß Legaten p. 173–203. – monasterium s. Facundi sub censu duorum solidorum monetae illius terrae etiam in Libro Censuum inscriptum est, cf. Fabre/Duchesne Liber censuum I 221. II 116; cf. etiam Pfaff Liber Censuum p. 341 n. 645.
Descent
Way of tradition: Kopial
Descent: Becerro II de Sahagún (saec. XIV): Madrid, Archivo Histórico Nacional, Códices y Cartularios Ms. 988B f. 8’–10 (cf. M. Herrero Colección de Sahagún II, p. XXIV). León Archivo de la Catedral n. 870 (copia simplex coeva, corrose). Copias de privilegios y donaciones a favor de los monasterios de San Pedro de Cardeña y de Sahagún durante los años 1168 a 1211= (saec. XVIII): Madrid Biblioteca Nacional Ms. 2705 f. 65–68’ (cf. Inventario general VIII 250; http://www.bne.es/es/Catalogos/InventarioManuscritos).
Number of witnesses: Ego Celestinus etc. Subscr. 4 episc., 7 card. presb. et 6 card. diac.
Bibliography
Edition: Escalona Historia de Sahagún app. III p. 565–568 n. 205. Fernández Catón Colección catedral de León VI 50–54 n. 1710. Fernández Flórez Colección de Sahagún IV 503–507 n. 1489. Domínguez Sánchez Documentos pontificios de León p. 150–152 n. 85..
Regest: Vignau Índice p. 532 n. 2315. García Villada Catálogo p. 125..