Date: 20.11.2026 13:21
Signature: Gall. Pont. III,3 288 n. 148
Pontificate
Alexander III
Issuer: Alexander III papa
Type of issuer: papa
Addressee Robertus archiepiscopus
Place of issuing: Tusculum
Date: (1170–1172?) dec. 16
Editor: Gall. Pont III,3: Beate Schilling; digitale Fassung: Valérie Lüthi, Johannes Luther
Reg. Pont. Rom. (Pontificia)
Receiving institution: Viviers, episc. Viviers, episc. (Gall. Pont. III,3 288 n. 148); Valence, ecclesia S. Ruffi (Gall. Pont. III,2 399 n. 113).
Pontificia vol.: Gall. Pont. III,3   288 n. 148
Regest-P: Alexander III ( Roberto ?) Vivariensi episcopo: miratur plurimum eum fratres S. Ruphi super ecclesia S. Andeoli (Bourg-Saint-Andéol) contra apostolicae sedis sententiam fatigare, cum se eandem ecclesiam de qua olim inter praedictos fratres et canonicos B. Andeoli controversia verteretur, inspectis rationibus, de fratrum suorum consilio cum omnibus bonis et possessionibus fratribus S. Ruphi adjudicaverit (cf. Gall. Pont. III,2 399 n. *111), salvo jure pontificali Vivariensis episcopi, censu olei et consueta reverentia ecclesiae Vivariensis. Refert se etiam decrevisse eandem ecclesiam «sub religione, oboedientia et subjectione S. Ruphi» permansuram, «ita quidem ut, si capitulum Vivariense jus fundi ad se probaret legitime pertinere, idem obtineret quod jure fundi de canonum sanctione debetur». Addit se accepisse eum sententiam apostolicam non observare, sed eandem ecclesiam molestare scil. indebitas ei exactiones imponere, «contra antiquam et rationabilem consuetudinem S. Ruphi» priorem per abbatem institui contradicere et permitttere ut presbyteri capellarum aliarumque ecclesiarum infra parrochiam S. Andeoli parrochianis ipsius ecclesiae contra voluntatem canonicorum ecclesiastica sacramenta ministrentGall. Pont. III,3 288 n. *147). Unde ei mandat ut praescriptam ecclesiam non longius gravet, sed permittat in ea priorem secundum antiquam consuetudinem ordinari. Praecipit etiam ut capellanis vel presbyteris interdicat ne parrochianis ejusdem ecclesiae sacramenta ministrent. Decernit ut, si contra fratres S. Ruphi aliquid quaestionis habere aestimat, id coram Diensi et Gratianopolitano episcopis ordine judiciario experiatur.