|
|
| |
| Issuer: |
Pelagius I
|
| Type of issuer: |
papa |
| Addressee |
Sapaudus episcopus |
| Date: |
(558 dec.–559 febr. 2) |
| Initium: |
Quomodo ergo me; Admirati sumus quod |
| Editor: |
Markus Schütz et al.; digitale Fassung: Thorsten Schlauwitz |
|
Reg. Pont. Rom. (Jaffé)
| |
| Jaffé³ no.: |
1918 |
| Jaffé² no.: |
JK
978
|
| Jaffé¹ no.: |
624 |
| Regest: |
Sapaudo episcopo
Arelatensi scribit de suspicione fidei suae in
Gallia orta propter illam epistolam, “quam non definiendo aliquid, sed nesciens, quid sequendum esset, consultando” conscripsit “et in illo adhuc officio (i. e. diaconatus) constitutus, in quo etiam definitiones” suas “tantorum subdi sententiae decuit sine dubitatione pontificum”. Exemplo ss.
Cypriani et
Augustini, quos non piguit sententiam corrigere, cum plurimis
Orientis,
Illyrici et
Africae pontificibus se in hac causa (i. e. trium capitulorum) ignorantiae caecitate contra veritatis lucem restitisse, et donec, quod verum erat, veritatis luce cognoscerent, habitisque in unaquaque provincia conciliis fidem veram publicasse. Nunc secum omnes
Africae,
Illyrici et
Asiae episcopos veram fidem catholicam sequi exceptis tribus aut quattuor ex iisdem provinciis propter crimina fugientibus. Mirari se affirmat
Galliae sacerdotes istis aurem praebere, quamvis ad eos in ipsis statim ordinationis suae principiis petente viro glorioso
Childeberto rege fidem suam propria manu subscriptam direxerit, in qua nihil se contra quattuor venerabiles synodos vel fecisse vel facienti consensisse signaverit. Paratum tamen esse, secundum apostoli sententiam omni poscenti reddere rationem. Addit: "Quis autem ex vobis de eo, quod illic fieri comperimus, redditurus est rationem, vel in quibus canonibus invenitur, ut uno eodem die laicus homo et clericus et acolitus (et subdiaconus) et diaconus et presbyter et episcopus fiat, qui ante unam horam non dicam domus suae laicis, sed uxori etiam suae forsitan coniunctus extiterit … et quis etiam illius non excessus sed sceleris redditurus est rationem, quod apud vos ex idolo fideli populo quasi unicuique pro merito aures, oculi, manus ac diversa membra distribuuntur"? |
| Keywords: |
Region: Gallia
|
| Comment: |
Fragmenta. Olim ad a. (558 sept.–560), de tempore cf. Pelagii I Epp. (
Gassó/Batlle). |
|
|
Bibliography
|
|